(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 186

॥ శ్రీః ॥
1.186. అధ్యాయః 186
Mahabharata - Adi Parva - Chapter Topics
అర్ధరాత్రే పాండవానాం గంగాతీరగమనం॥ 1 ॥ తత్ర స్త్రీభిః సహ జలక్రీడాం కుర్వతా చిత్రరథేన గంధర్వేణ సహ అర్జునస్య యుద్ధం॥ 2 ॥ ఆగ్నేయాస్త్రేణ దగ్ధాదధఃపతితస్య తస్యార్జునేన గ్రహణం॥ 3 ॥ గంధర్వపత్న్యా ప్రార్థితస్య యుధిష్ఠిరస్యాజ్ఞయా గంధర్వమోచనం॥ 4 ॥ గంధర్వప్రార్థనయా ఆగ్నేయాస్త్రపరివర్తనేన తస్మాద్గాంధర్వాస్త్రగ్రహణానుమోదనం॥ 5 ॥ గంధర్వేణ పాండవానాం పురోహితసంపాదనోపదేశః॥ 6 ॥
Mahabharata - Adi Parva - Chapter Text

వైశంపాయన ఉవాచ। 1-186-0x(1059)(8300)
తే ప్రతస్థుః పురస్కృత్య మాతరం పురుషర్షభాః।
సమైరుదఙ్ముకైర్మార్గైర్యథోద్దిష్టం చ భారత॥ 1-186-1(8301)
అహోరాత్రేణాభ్యగచ్ఛన్పాంచాలనగరం ప్రతి।
అభ్యాజగ్ముర్లోకనదీం గంగాం భాగీరథీం ప్రతి॥ 1-186-2(8302)
చంద్రాస్తమయవేలాయామర్ధరాత్రసమాగమే।
వారి చైవానుమజ్జంతస్తీర్థం సోమాశ్రయాయణం। 1-186-3(8303)
ఆసేదుః పురుషవ్యాఘ్రా గంగాయాం పాండునందనాః॥
ఉల్ముకం తు సముద్యంయ తేషామగ్రే ధనంజయః। 1-186-4(8304)
ప్రకాశార్థం యయౌ తత్ర రక్షార్థం చ మహారథః॥
తత్ర గంగాజలే రంయే వివిక్తే క్రీడయన్ స్త్రియః। 1-186-5(8305)
శబ్దం తేషాం స శుశ్రావ నదీం సముపసర్పతాం।
తేన శబ్దేన చావిష్టశ్చుక్రోధ బలవద్బలీ॥ 1-186-6(8306)
స దృష్ట్వా పాండవాంస్తత్ర సహ మాత్రా పరంతపాన్।
విష్ఫారయంధనుర్ఘోరమిదం వచనమబ్రవీత్॥ 1-186-7(8307)
సంధ్యా సంరజ్యతే ఘోరా పూర్వరాత్రాగమేషు యా।
అశీతిభిర్లవైర్హీనం తన్ముహూర్తం ప్రచక్షతే॥ 1-186-8(8308)
విహితం కామచారాణాం యక్షగంధర్వరక్షసాం।
శేషమన్యన్మనుష్యాణాం కర్మచారేషు వై స్మృతం॥ 1-186-9(8309)
లోభాత్ప్రచారం చరతస్తాసు వేలాసు వై నరాన్।
ఉపక్రాంతా నిగృహ్ణీమో రాక్షసైః సహ బాలిశాన్॥ 1-186-10(8310)
అతో రాత్రౌ ప్రాప్నువతో జలం బ్రహ్మవిదో జనాః।
గర్హయంతి నరాన్సర్వాన్బలస్థాన్నృపతీనపి॥ 1-186-11(8311)
ఆరాచ్చ తిష్ఠతాస్మాకం సమీపం నోపసర్పత।
కస్మాన్మాం నాభిజానీత ప్రాప్తం భాగీరథీజలం॥ 1-186-12(8312)
అంగారపర్ణం గంధర్వం విత్త మాం స్వబలాశ్రయం।
అహం హి మానీ చేర్ష్యుశ్చ కుబేరస్య ప్రియః సఖా॥ 1-186-13(8313)
అంగారపర్ణమిత్యేవం ఖ్యాతం చేదం వనం మమ।
అనుగంగం చరన్కామాంశ్చిత్రం యత్ర రమాంయహం॥ 1-186-14(8314)
న కౌణపాః శృంగిణో వా న దేవా న చ మానుషాః।
కుబేరస్య యథోష్ణీషం కిం మాం సముపసర్పథ॥ 1-186-15(8315)
అర్జున ఉవాచ। 1-186-16x(1060)
సముద్రే హిమవత్పార్శ్వే నద్యామస్యాం చ దుర్మతే।
రాత్రావహని సంధ్యాయాం కస్య క్లృప్తః పరిగ్రహః॥ 1-186-16(8316)
భుక్తో వాఽప్యథ వాఽభుక్తో రాత్రావహని ఖేచర।
న కాలనియమో హ్యస్తి గంగాం ప్రాప్య సరిద్వరాం॥ 1-186-17(8317)
వయం చ శక్తిసంపన్నా అకాలే త్వామధృష్ణుమ।
అశక్తా హి రణే క్రూర యుష్మానర్చంతి మానవాః॥ 1-186-18(8318)
పురా హిమవతశ్చైషా హేమశృంగాద్వినిఃసృతా।
గంగా గత్వా సముద్రాంభః సప్తధా సమపద్యత॥ 1-186-19(8319)
గంగాం చ యమునాం చైవ ప్లక్షజాతాం సరస్వతీం।
రథస్థాం సరయూం చైవ గోమతీం గండకీం తథా॥ 1-186-20(8320)
అపర్యుషితపాపాస్తే నదీః సప్త పిబంతి యే।
ఇయం భూత్వా చైకవప్రా శుచిరాకాశగా పునః॥ 1-186-21(8321)
దేవేషు గంగా గంధర్వ ప్రాప్నోత్యలకనందతాం।
తథా పితౄన్వైతరణీ దుస్తరా పాపకర్మభిః।
గంగా భవతి వై ప్రాప్య కృష్ణద్వైపాయనోఽబ్రవీత్॥ 1-186-22(8322)
అసంబాధా దేవనదీ స్వర్గసంపాదనీ శుభా।
కథమిచ్ఛసి తాం రోద్ధుం నైష ధర్మః సనాతనః॥ 1-186-23(8323)
అనివార్యమసంబాధం తవ వాచా కథం వయం।
న స్పృశేమ యథాకామం పుణ్యం భాగీరథీజలం॥ 1-186-24(8324)
వైశంపాయన ఉవాచ। 1-186-25x(1061)
అంగారపర్ణస్తచ్ఛ్రుత్వా క్రుద్ధ ఆనాంయ కార్ముకం।
ముమోచ బాణాన్నిశితానహీనాశీవిషానివ॥ 1-186-25(8325)
ఉల్ముకం భ్రామయంస్తూర్ణం పాండవశ్చర్మ చోత్తరం।
వ్యపోహత శరాంస్తస్య సర్వానేవ ధనంజయః॥ 1-186-26(8326)
అర్జున ఉవాచ। 1-186-27x(1062)
బిభీషికా వై గంధర్వ నాస్త్రజ్ఞేషు ప్రయుజ్యతే।
అస్త్రజ్ఞేషు ప్రయుక్తేయం ఫేనవత్ప్రవిలీయతే॥ 1-186-27(8327)
మానుషానతి గంధర్వాన్సర్వాన్ గంధర్వ లక్షయే।
తస్మాదస్త్రేణ దివ్యేన యోత్స్యేఽహం న తు మాయయా॥ 1-186-28(8328)
పురాఽస్త్రమిమాగ్నేయం ప్రాదాత్కిల బృహస్పతిః।
భరద్వాజాయ గంధర్వ గురుర్మాన్యః శతక్రతోః॥ 1-186-29(8329)
భరద్వజాదగ్నివేశ్య అగ్నివేశ్యాద్గురుర్మమ।
సాధ్విదం మహ్యమదదద్ద్రోణో బ్రాహ్మణసత్తమః॥ 1-186-30(8330)
వైశంపాయన ఉవాచ। 1-186-31x(1063)
ఇత్యుక్త్వా పాండవః క్రుద్ధో గంధర్వాయ ముమోచ హ।
ప్రదీప్తమస్త్రమాగ్నేయం దదాహాస్య రథం తు తత్॥ 1-186-31(8331)
విరథం విప్లుతం తం తు స గంధఱ్వం మహాబలః।
అస్త్రతేజఃప్రమూఢం చ ప్రపతంతమవాఙ్ముఖం॥ 1-186-32(8332)
శిరోరుహేషు జగ్రాహ మాల్యవత్సు ధనంజయః।
భ్రాతౄన్ప్రతి చకర్షాథ సోఽస్త్రపాతాదచేతసం॥ 1-186-33(8333)
యుధిష్ఠిరం తస్య భార్యా ప్రపేదే శరణార్థినీ।
నాంనా కుంభీనసీ నామ పతిత్రాణమభీప్సతీ॥ 1-186-34(8334)
గంధర్వ్యువాచ। 1-186-35x(1064)
త్రాయస్వ మాం మహాభాగ పతిం చేమం విముంచ మే।
గంధర్వీ శరణం ప్రాప్తా నాంనా కుంభీనసీ ప్రభో॥ 1-186-35(8335)
యుధిష్ఠిర ఉవాచ। 1-186-36x(1065)
యుద్ధే జితం యశోహీనం స్త్రీనాథమపరాక్రమం।
కో నిహన్యాద్రిపుం తాత ముంచేమం రిపుసూదన॥ 1-186-36(8336)
అర్జున ఉవాచ। 1-186-37x(1066)
జీవితం ప్రతిపద్యస్వ గచ్ఛ గంధర్వ మా శుచః।
ప్రదిశత్యభయం తేఽద్య కురురాజో యుధిష్ఠిరః॥ 1-186-37(8337)
గంధర్వ ఉవాచ। 1-186-38x(1067)
జితోఽహం పూర్వకం నామ ముంచాంయంగారపర్ణతాం।
యశోహీనం న చ శ్లాఘ్యం స్వం నామ జనసంసది॥ 1-186-38(8338)
సాధ్విమం లబ్ధవాఁల్లాభం యోఽహం దివ్యాస్త్రధారిణం।
గాంధర్వ్యా మాయయేచ్ఛామి సంయోజయితుమర్జునం॥ 1-186-39(8339)
అస్త్రాగ్నినా విచిత్రోఽయం దగ్ధో మే రథ ఉత్తమః।
సోఽహం చిత్రరథో భూత్వా నాంనా దగ్ధరథోఽభవం॥ 1-186-40(8340)
సంభృతా చైవ విద్యేయం తపసేహ మయా పురా।
నివేదయిష్యే తామద్య ప్రాణదాయ మహాత్మనే॥ 1-186-41(8341)
సంస్తంభయిత్వా తరసా జితం శరణమాగతం।
యో రిపుం యోజయేత్ప్రాణైః కల్యాణం కిం న సోఽర్హతి॥ 1-186-42(8342)
చాక్షుషీ నామ విద్యేయం యాం సోమాయ దదౌ మనుః।
దదౌ స విశ్వావసవే మమ విశ్వావసుర్దదౌ॥ 1-186-43(8343)
సేయం కాపురుషం ప్రాప్తా గురుదత్తా ప్రణశ్యతి।
ఆగమోఽస్యా మయా ప్రోక్తో వీర్యం ప్రతినిబోధ మే॥ 1-186-44(8344)
యచ్చక్షుషా ద్రష్టుమిచ్ఛేత్రిషు లోకేషు కించన।
తత్పశ్యేద్యాదృశం చేచ్ఛేత్తాదృశం ద్రష్టుమర్హతి॥ 1-186-45(8345)
ఏకపాదేన షణ్మాసాన్స్థితో విద్యాం లభేదిమాం।
అనునేష్యాంయహం విద్యాం స్వయం తుభ్యం వ్రతే కృతే॥ 1-186-46(8346)
విద్యయా హ్యనయా రాజన్వయం నృభ్యో విశేషితాః।
అవిశిష్టాశ్చ దేవానామనుభావప్రదర్శినః॥ 1-186-47(8347)
గంధర్వజానామశ్వానామహం పురుషసత్తమ।
భ్రాతృభ్యస్తవ తుభ్యం చ పృథగ్దాతా శతం శతం॥ 1-186-48(8348)
దేవగంధర్వవాహాస్తే దివ్యవర్ణా మనోజవాః।
క్షీణాక్షీణా భవంత్యేతే న హీయంతే చ రంహసః॥ 1-186-49(8349)
పురా కృతం మహేంద్రస్య వజ్రం వృత్రనిబర్హణం।
దశధా శతధా చైవ తచ్ఛీర్ణం వృత్రమూర్ధని॥ 1-186-50(8350)
తతో భాగీకృతో దేవైర్వజ్రభాగ ఉపాస్యతే।
లోకే యశోధనం కించిత్సైవ వజ్రతనుః స్మృతా॥ 1-186-51(8351)
వజ్రపాణిర్బ్రాహ్మణః స్యాత్క్షత్రం వజ్రరథం స్మృతం।
వైశ్యా వై దానవజ్రాశ్చ కర్మవజ్రా యవీయసః॥ 1-186-52(8352)
క్షత్రవజ్రస్య భాగేన అవధ్యా వాజినః స్మృతాః।
రథాంగం వడబా సూతే శూరాశ్చాశ్వేషు యే మతాః॥ 1-186-53(8353)
కామవర్ణాః కామజవాః కామతః సముపస్థితాః।
ఇతి గంధర్వజాః కామం పూరయిష్యంతి మే హయాః॥ 1-186-54(8354)
అర్జున ఉవాచ। 1-186-55x(1068)
యది ప్రీతేన మే దత్తం సంశయే జీవితస్య వా।
విద్యాధం శ్రుతం వాఽపి న తద్గంధర్వ రోచయే॥ 1-186-55(8355)
గంధర్వ ఉవాచ। 1-186-56x(1069)
సంయోగో వై ప్రీతికరో మహత్సు ప్రతిదృశ్యతే।
జీవితస్య ప్రదానేన ప్రీతో విద్యాం దదామి తే॥ 1-186-56(8356)
త్వత్తోఽప్యహం గ్రహీష్యామి అస్త్రమాగ్నేయముత్తమం।
తథైవ యోగ్యం బీభత్సో చిరాయ మరతర్షభ॥ 1-186-57(8357)
అర్జున ఉవాచ। 1-186-58x(1070)
త్వత్తోఽస్త్రేణ వృణోంయశ్వాన్సంయోగః శాస్వతోఽస్తునౌ।
సఖే తద్బ్రూహి గంధర్వ యుష్మభ్యో యద్భయం భవేత్॥ 1-186-58(8358)
కారణం బ్రూహి గంధర్వ కిం తద్యేన స్మ ధర్షితాః।
యాంతో వేదవిదః సర్వే సంతో రాత్రావరిందమాః॥ 1-186-59(8359)
గంధర్వ ఉవాచ। 1-186-60x(1071)
అనగ్నయోఽనాహుతయో న చ విప్రపురస్కృతాః।
యూయం తతో ధర్షితాః స్థ మయా వై పాండునందనాః॥ 1-186-60(8360)
`యక్షరాక్షసగంధర్వపిశాచపతగోరగాః।
ధర్షంతి నరవ్యాఘ్ర న బ్రాహ్మణపురస్కృతాన్॥ 1-186-61(8361)
జానతాపి మయా తస్మాత్తేజశ్చాభిజనం చ వః।
ఇయమగ్నిమతాం శ్రేష్ఠ ధర్షితా వై పురాగతిః॥ 1-186-62(8362)
కో హి వస్త్రిషు లోకేషు న వేద భరతర్షభ।
స్వైర్గుణైర్విస్తృతం శ్రీమద్యశోఽగ్ర్యం భూరివర్చసాం'॥ 1-186-63(8363)
యక్షరాక్షసగంధర్వాః పిశాచోరగదానవాః।
విస్తరం కురువంశస్య ధీమంతః కథయంతి తే॥ 1-186-64(8364)
నారదప్రభృతీనాం తు దేవర్షీణాం మయా శ్రుతం।
గుణాన్కథయతాం వీర పూర్వేషాం తవ ధీమతాం॥ 1-186-65(8365)
స్వయం చాపి మయా దృష్టశ్చరతా సాగరాంబరాం।
ఇమాం వసుమతీం కృత్స్నాం ప్రభావః సుకులస్య తే॥ 1-186-66(8366)
వేదే ధనుషి చాచార్యమభిజానామి తేఽర్జున।
విశ్రుతం త్రిషు లోకేషు భారద్వాజం యశస్వినం॥ 1-186-67(8367)
`సర్వవేదవిదాం శ్రేష్ఠం సర్వశస్త్రభృతాం వరం।
ద్రోణమిష్వస్త్రకుశలం ధనుష్యహ్గిరసాం వరం॥' 1-186-68(8368)
ధర్మం వాయుం చ శక్రం చ విజానాంయశ్వినౌ తథా।
పాండుం చ కురుశార్దూల షడేతాన్కురువర్ధనాన్।
పితౄనేతానహం పార్థ దేవమానుషసత్తమాన్॥ 1-186-69(8369)
దివ్యాత్మానో మహాత్మానః సర్వశస్త్రభృతాం వరాః।
భవంతో భ్రాతరః శూరాః సర్వే సుచరితవ్రతాః॥ 1-186-70(8370)
ఉత్తమాం చ మనోబుద్ధిం భవతాం భావితాత్మనాం।
జానన్నపి చ వః పార్థ కృతవానిహ ధర్షణాం॥ 1-186-71(8371)
స్త్రీసకాశే చ కౌరవ్య న పుమాన్క్షంతుమర్హతి।
ధర్షణామాత్మనః పశ్యన్బ్రాహుద్రవిణమాశ్రితః॥ 1-186-72(8372)
నక్తం చ బలమస్మాకం భూయ ఏవాభివర్ధతే।
యతస్తతో మాం కౌంతేయ సదారం మన్యురావిశత్॥ 1-186-73(8373)
సోఽహం త్వయేహ విజితః సంఖ్యే తాపత్యవర్ధన।
యేన తేనేహ విధినా కీర్త్యమానం నిబోధ మే॥ 1-186-74(8374)
బ్రహ్మచర్యం పరో ధర్మః స చాపి నియతస్త్వయి।
యస్మాత్తస్మాదహం పార్థ రణే।ఞస్మి విజితస్త్వయా॥ 1-186-75(8375)
యస్తు స్యాత్క్షత్రియః కశ్చిత్కామవృత్తః పరంతప।
నక్తం చ యుధి యుధ్యేత న స జీవేత్కథంచన॥ 1-186-76(8376)
యస్తు స్యాత్కామవృత్తోఽపి పార్థ బ్రహ్మపురస్కృతః।
జయేన్నక్తంచరాన్సర్వాన్స పురోహితధూర్గతః॥ 1-186-77(8377)
తస్మాత్తాపత్య యత్కించిన్నృణాం శ్రేయ ఇహేప్సితం।
తస్మిన్కర్మణి యోక్తవ్యా దాంతాత్మానః పురోహితాః॥ 1-186-78(8378)
వేదే షడంగే నిరతాః శుచయః సత్యవాదినః।
ధర్మాత్యాగః కృతాత్మానః స్యుర్నృపాణాం పురోహితాః॥ 1-186-79(8379)
జయశ్చ నియతో రాజ్ఞః స్వర్గశ్చ తదనంతరం।
యస్య స్యాద్ధర్మవిద్వాగ్మీ పురోధాః శీలవాఞ్శుచిః॥ 1-186-80(8380)
లాభం లబ్ధుమలబ్ధం వా లబ్ధం వా పరిరక్షితుం।
పురోహితం ప్రకుర్వీత రాజా గుణసమన్వితం॥ 1-186-81(8381)
పురోహితమతే తిష్ఠేద్య ఇచ్ఛేద్భూతిమాత్మనః।
ప్రాప్తుం వసుమతీం సర్వాం సర్వశః సాగరాంబరాం॥ 1-186-82(8382)
న హి కేవలశౌర్యేణ తాపత్యాభిజనేన చ।
జయేదబ్రాహ్మణః కశ్చిద్భూమిం భూమిపతిః క్వచిత్॥ 1-186-83(8383)
తస్మాదేవం విజానీహి కురూణాం వంశవర్ధన।
బ్రాహ్మణప్రముఖం రాజ్యం శక్యం పాలయితుం చిరం॥ ॥ 1-186-84(8384)

ఇతి శ్రీమన్మహాభారతే ఆదిపర్వణి చైత్రరథపర్వణి షడశీత్యధికశతతమోఽధ్యాయః॥ 186 ॥

Mahabharata - Adi Parva - Chapter Footnotes
1-186-3 సోమాశ్రయశ్చంద్రధరో రుద్రస్తస్య స్థానం సోమాశ్రయాయణం॥
1-186-8 పూర్వరాత్రాగమేషు పశ్చిమాయాం దిశి అర్ధాస్తమితార్కమండలరూపా యా సంధ్యా సంరజ్యతే రక్తా భవతి తస్యాం ముహూర్తం ప్రస్థానకాలమశీతిభిర్లవైర్నిమేషార్ధైర్హీనం ప్రచక్షతే॥
1-186-9 తదేవ ముహూర్తం యక్షాదీనాం కర్మచారేషు విహితమన్యన్మనుష్యాణాం కర్మచారేషు స్మృతమిత్యన్వయః।
సంధ్యాయామశీతిలవోపరి రాత్రౌ యక్షాదీనామేవ సంచారకాలః అన్యదహర్మనుష్యాణామిత్యర్థః॥
1-186-15 శృంగిణః అభిచారికాః॥
1-186-21 ఏకవప్రా ఏకమాకాశరూపం వప్రం యస్యాః సా॥
1-186-36 స్త్రీ నాథో రక్షితా యస్య తం॥
1-186-38 అంగారవద్భాస్వరం దుఃస్పర్శం చ పర్ణం వాహనం రథో యస్య సోఽంగారపర్ణస్తస్య భావస్తత్తాం॥
1-186-41 క్షీణాశ్చాఽక్షీణాశ్చ క్షీణాక్షీణాః వృద్ధాస్తరుణా వా ఏతే న భవంతి రంహసో వేగాచ్చ న హీయంతే ఇతి నకారానుషంగేణ యోజ్యం। క్షీణే క్షీణే ఇతి ఘ. పాఠః॥
1-186-51 తస్య భాగః పృథగ్భూతః సర్వైర్భూతైదపాస్యతే ఇతి ఙ. పాఠః॥
1-186-52 వజ్రపాణిః పాణిః వజ్రం యస్య స। ఏవమేవ వజ్రరథమిత్యపి॥
1-186-53 రథాంగం చ తథా సూతో ధనుశ్చ భరతర్షభ ఇతి ఙ. పాఠః॥
1-186-57 తథైవ సఖ్యం బీభత్సో ఇతి ఙ. పాఠః॥
1-186-58 అస్త్రేణాస్త్రం వృణే త్వత్తః యద్భయం త్యజేత్ ఇతి ఙ. పాఠః॥
1-186-60 అనగ్నయో దారహీనత్వాత్। అనాహుతయః సమావృతత్వాత్।
ఆశ్రమవింశేషహీనో బ్రాహ్మణో ధర్షణీయ ఇత్యర్థః॥
1-186-76 కాయవృద్యః కృతదారః॥
1-186-81 లాభం లబ్ధవ్యం ధనం।
అలబ్ధస్య చ లాభాయ లబ్ధస్య పరిరక్షణే ఇతి ఙ. పాఠః॥
షడశీత్యధికశతతమోఽధ్యాయః॥ 186 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.